SASAK PEROT
March 15, 2011
Keindahan Tanjung Ringgit, Destinasi Wisata Alami
March 18, 2011

Tiyang Pelungguh Sasak

Yogjakarta [Sasak.Org] Base Sasak sino arax sax te kadu six dengan luwex dait arax sax te kadu lex wayang (theater). Base sax lex wayang yesino base Kawi ye beruwe warisan tite olex saman Majapahit. Lamun base sax te kadu six dengan luwex arax sa xte sebut base hormat (formal form) dait Base Jamax ( Colloquial). Jari ndex arax base makhluk halus ino. Base Formal

Base Sasak sax asli sino ye begax gati lain uni ruwen tebanding six base batur olex Jawe ape Bali. Upame te bait olex conot pekare aranpegentix (kata ganti orang/pronoun). Dengan Sasak kadu ITE sax bemaxne aku dan dirku yang satu lagi ayitu ruh. ITE mengandung makne fisik dait spiritual. Bandingan lamun kadu TIYANG sax bemaxne Tau utawe dengan utawe menusiye. Apa malik Tyang Pelunguh sax bemaxne Dengan Kursi/Sentaux. Terus dengan sax keduwe ite sebut SIDE sax bemaxne mengerti kesempurnaan, sempurne, utuh jiwa dait rage. Lamun te jelasang Ite dait Side doang perlu luwex mase dait raos. Ite dait Side ye te kadu six dengan sax beduwe kesadaran atas pekare eksistesi manusye. Ndexn pekare awak doang lagux besopox six pekare ruh utawe jiwe. Ape sax te gawex six ite dait side beduwe tanggung jawab tipax awak dait ruh yesino hukum akherat.

Nane pekare arangentix sax kadu Pelinggih utawe pelungguh. Lamun side kadu arangentix sino side musti pikirang sai kancen de ngeraos. Pelinggih sino te kadu six panakawan, pesurux sax ndex bani gitax tuan ne, sax ngesot utawe bejajar lex pekarangan ngantix catu ambon utawe kepeng seketip. PELINGGIH bemaxne taox tokol, kursi. Sentaux. Bandingang six lex Jawe sax kena Sampeyan dalem, sax bemaxne nae. Lamun lex Sunda, paduka unin sax bemaxne kasut. Nah lex Bali jax Cokorde so unin sax bemaxne nae masih. Jari sai sax pantes muni Pelinggih utawe paduka dait cokorde sino, lamun ite jujur ndexte mungkin milu milu kadu iye. Sengax berembe ntan side kena Pelinggih lagux tetep side gitax atas dait ruwen dengan. Makat side ndex gitax sentauxne, terus lamun ye bebuteng dung ndex arax sentauxne. Sai sax kena pelinggih, paduka berarti ye piyax dirix hine dine setingkat isix kasut utawe sentaux.

Lamun pekare ngeraos doang ite pade masi bekeleot bekelecang ndex istiqomah, taat azas. Terus berembe pakare adat sax lain upame merarix sax jari ajang eksploitasi dengan nine. Arax sax endeng mas 25 kg. jari pegentix kewirangan. Ape ite pade wah jogang selapuxte. Mbe olex kewirangan (kecele, kecewe, rasa malu) kan anaxte mesax sax merarix. Umurn uwah cukup, wah pade melen terus lamun te perarix six dengan sax jax nikahin ye wah pantes ne ngeno, lasingan. Terus ape sax piyax dengan ilax utawe kewirangan sino, pasti salax faham utawe te gawex six dengan lain. Artine, ye arax dengan lain bepesex,boyax kesempatan. Salax faham sino ures leman bekelain faham, sax sopox perasax dirixn tao adat bagusan six sax lain. Sax lain ndexn arax urusan six adat dengan. Betempoh wah duwe kepentingan. Lamun ite sadar jari Tau Sasak sax besopox dait pade pendait, jax kembex persulit dirix aneh. Ape ape te piyax sengke, ape ape te piyax suwe dait krudut. Segrah ite pade demen bekrudut terus selame lamen jari tau Sasak ine.

Kunci selapux pekare ye sino ite saling faham, lamun arax batur sax mele ingon care papux baloxne, aneh terusang. Lamun arax sax ndex mele kadu care laex aneh terusang. Lagux lamun bedait dengan duwe, cobaxang ngkah arax dengan sax milu milu mancing boyax mpax betok lex antare duwe dengan sino. Ape jax jarin, lamun arax dengan duwe belain faham, pasti iye gen ngeraos dait peta langan sugul sax te aran bemufakat. Dengan Sasak sino asline dengan mudax bemufakat, ndex arax sax demen piyax pekare jari krudut. Olex sino semeton jari inax amax, te engkahang bae sax aran hobby pesengke batur, ite tau Sasak wah sanggup jari dengan Selam. Selam sino artine Selamet, rehayu. Ite artine aku sax beruwe awak sine dait aku sax arax lex dalem yesino ruh. Side artine awak dait ruh sempurne. Jari ape sax kurang lex tau Sasak. Sax kurang ye sino kewanenante jari dengan sax REJENG, kowat marax karang, betegel lex uninte mesax.

Walalhualambissawab

Marax meno dait ampure
Sax ikhklas

Hazairin R. JUNEP

1 Comment

  1. Mlet bebase sasak sak alus,iye laguk kadang sak arak gelar bq,lalu doang ndk pati tan base sasak alus,malah nie lbh kasar base tebanding jajar karang.

Leave a Reply

Your email address will not be published. Required fields are marked *