Kumpulan Pantun Sasak : Mosot 13 Januari 2012

Pesona Sekotong dan Keserakahan Manusia
January 14, 2012
Laporan Keuangan Program Bangun Desa KS-IPEBI
January 21, 2012

Kumpulan Pantun Sasak : Mosot 13 Januari 2012

Logo Media KS

  1. Piaq gambar kadu potlot.. cemoh laloq jari lukisan.. Ndaq paran tyang mosot.. jodoh sino lengan Tuhan #PantunSasak
  2. Buaq bagek dalem kamar.. araq skecot ragin paku.. Ndaq lueq peta lamar.. lemaq mosot ndeq laku #pantunsasak
  3. Pendak te pete lukisan sik kadu potlot.. Ragi manuk kadu sebie.. Ndak mele jari tau mosot.. Rugi lalok jari manusia #pantunsasak
  4. Dokar barang jauq romot.. bkelampan leq atas oloh.. Do’e tyang joq saq mosot.. mudahan gamaq mauq jodoh #pantunsasak
  5. Mbe langan joq balen merbot.. peteng laloq ndeq tgitaq.. Brembe entan tyang ndeq mosot.. kepeng doang saq tpetaq.. #pantunsasak
  6. Kecial kuning benyanyi nyaring.. empak pepait awakne licin.. becat wah side paling.. ketimbang tebait batur saq lain #pantunsasak
  7. Saiq blimbing saiq buaq pace..buang kenyamen tjauq to ampenan.. saq tpaling masi ndeq mele.. tyang ndeqman mauq pgawean #pantunsasak
  8. Lebui stekot langan apitaik.. kesune odaq spesel tbeli Sai.. mosot jlapan merarik.. dunie toaq ndaq nyesel muri #pantunsasak
  9. Lolon jarak arak saik.. Ambon kotong lek atas sempare.. Satak kali ku tenyak kamu merarik.. Ndk nyesel lmun mosot jari dedare.. #PantunSasak
  10. Kenyamen lime jauq joq peken.. ndaq lupak kdondong saq tpesen.. Lamun side ndaraq angen.. ndaraq gune tyang panggong angen #pantunsasak
  11. Buaq birak bawon tanak.. berarak bawon kenyamen.. timak girangde betenak.. laguk tiang ndarak angen #PantunSasak
  12. Mun peteng te kerap bendang.. buaq pace sik buaq bile.. lamun ndek dateng midang.. tiang pete ojok balende #pantunsasak
  13. Buaq owah jari pesuke.. lek turide taok te puase.. lamun wah pade suke.. nunas rede jok sak kuase #pantunsasak
  14. Timun sbie leq gawah swele.. tukah kance lime rupie.. Lamun side wah suke.. aneh pire jari lamarte #pantunsasak

Dunie Maye, Twitter @komunitassasak FB : Komunitas Sasak, Kelem Saptu, Teloolas Janoari Due Iyu Due Olas

5 Comments

  1. Samsul Hakim says:

    Bau paku elek – elek, Bau romot lek Mbung Tiang, lamun aku ndek bi mele, talon bi momot nyangke bian

  2. Peta bembek bawaq bagek
    ndeq tolok kenyamen sede
    Side ndeq ne meleq
    lueq laloq brayen side hehe

  3. ilham says:

    lalo lekak beli olah_olah
    dendek lupak beli es
    rajin pede isik sekolah
    agen jari dengan sukses

  4. ilham says:

    lalo lekak beli olah_olah
    dendek lupak beli es
    rajin pede isik sekolah
    agen jari dengan sukses

  5. Sar Pati Sasaki Tooland says:

    Araq sambel bawon batu, teteh dlm aiq,
    Araq angenm oleq ak, enteh te merariq…

Leave a Reply

Your email address will not be published. Required fields are marked *