Puisi Sasak: aix ngembux lex gumi paer

Puisi Sasak : Apa Aku Ini Lombok?
June 3, 2013
Puisi Sasak: Boyax Penaox
June 4, 2013

Puisi Sasak: aix ngembux lex gumi paer

Gupran Muhsan

Gupran Muhsan


Oleh Gupran Muhsan
lex bawax lolon kayux sax belex
ngembux ngempul nyempual
nyereng meneng begeleneng
ngelex jox tanax gero sax panas leteng
syukur rase ate angen
panas leteng gumi paer jeri senep adem
aix ngembux miax tetanduran tiwox
besuli bekembang bebuax sampai maux terasax…
aix ngembux lex gumi paer
sayan sue sayan kurang ngelex geleneng
te tipes te bates te tembox te gembox
sayan sue sayan susah te sedox
aix ngembux wah jerax ngelex
aix ngembux demen tebentex
aix ngembux wah tame gegandex
aix ngembux wah luex bejulux beserex
luex ite mete aix ngembux
timax te tembox te gembox te julux
ite tetep saling julux mele maux
sanggup lampax timax jaox
aix ngembux umpame ilmu
ilmu sax perlu dait mekadu
lamun bau ndax bae tuker six kepeng siyu
alur ne ngelex geleneng tipax sax panas leteng
aget ne irup tiwox leloloan
miax aix ngembux baru lex gumi lendang
jeri manfaat tipax ite selapuan

Leave a Reply

Your email address will not be published. Required fields are marked *