Artikel Khusus - Akademi Sasak

Penilaian Pengunjung: / 0
TerjelekTerbaik 

Pinjax Sasak

Sopox pengacare sax wah kebut lex Jakarte dateng jok Lombok urus pekare tanax sax tepesualang isix dengan sedesa ngelawan gubenur. Pengacare ino ye jax ilon gubenur. Selapux keterangan wah ye kumpulang dait ye pelajarin sifat sifat tau Sasak. Ye wah taox gati base dengan Sasak ino girang nipu, maling, lekak, dait abot begawean. Lamun sax negatif negatif jax penox catetan.
Wahn sax dateng lex Bandar Internasioanl Lombok sax terkenal lex gumi paer lagux ndexn te ketaon isix dengan luwah, te sambut ye isix pasukan pam swakarse dait pokrol treng sax paling terkenal. Sai malik lainan six pokrol treng sax aran tuax Nase!

Pengacare terkenal ino te jaux jok hotel lex Kute, beketuwan ye pekare hiburan, pijit dait selapux kedemenan lagux tuax Nase muni, "ndarax sax meno meno lex gumi paer mamix belex!".
Kebiasan dengan olex Jakarte ino demen boyax hiburan, lagux ndex araxn gawex, jari milun momot meco lex kamar.

Lelahn sax momot meco langsung telpon tuax Nase. Suruxn dateng jok kamar adexn kancein ye jangke kemalem. Tuax Nase no wah jaxn tindox, jari datengn marax dengan kepundangan. Napi arax mamix belex? Unin sampixn ngoam.
Barengin ke lex te, ke sepin idapke, unin pengacare Jakarte ino.
Tao side becatur?
Ndex, unin tuax Nase
Tao side beremi?
Ndex, unin tuax nase
Lamun meno jax te bepinjax maeh
sampixn ngantok, nggih, jwab tuax Nase.
Arax duwe dipan lex to jari tuax nase nyunjut bae tindox lex sopox dipan.
Pengacare ino mikir, lamun meno doang jax, tuax no yax pidem pasti, bagusan jax kutantangn betarox aden cigah.
Tuax Nase, side badex pinajxku, lamun de kalah side bayahke seket yu lamun aku ndex tao bejawab aku bayah side lime jute aox.
Lelah tuax Nase dengah dengan ino, adekn jelap tedox, inggih, unin tuax Nase sampixn tindox.
Aku mulai unin pengacare ino: Tuax, pire kilometer jaoxn olex ite jangke to bulan?
Sampikn tindox tuax Nase sugulang keping seket yu, terusn sadex pengacere ino.
Demen gati dengan ino maux hiburan lex gumi paer sax sepi nyit nyit. Nani jax yaxn bangkrut pokrol treng tau Sasak sopoxn senixn unin dengan ino dalem angen.
Aneh giliran side tuax.
Gedek aten tuax Nase, ndexn taox ape jaxn pinjaxang. Sampixn karek otax ngawurn beketowan.
Ape no lamun taek gunung telu naen, lamun turun 4 naen?
Pecok pengacare no mikir, ye boyak lex internet, tulis email, bukaxn perpustakaan Akdemi Sasak, jangke sejam lebih ndexn dait jawaban. Dodoxn tuax Nase terusn bing keping lime jute. Tuax Nase langsungn tindox malik ngempus....
Mikirn dengan jakarte sino malik, lelahn penasaran bedodoxn malik.
Tuax Nase unin, jari ape sax taek gunung benae telu terus lamun turun jari benae empat ino?
Tuax Nase langsung bing dengan Jakarte ino seket yu terus ne langsung tindox jangke kelemax!
Dengan Jakarte sino, nggeremon lalo tindox, lagux sempatne muni, " mulen basong tau Sasak sine ah! "

Glosarium
base = bahwa
kepundangan = tidur berjalan
dodox = membangunkan