Artikel Khusus - Akademi Sasak

Penilaian Pengunjung: / 1
TerjelekTerbaik 

1

Sewahne begentix jari demokjangkih, selapux tau Sasak berebutan jari politisi, sebutn bae sai melexm sebut pastin milu nyemporon lex politik.

Lex sopox pondox pesantren sax belex gati teraxang kampanye sengax TG pondox ino salax sopox dengan paling peren dait paling kebut lex gumi paer sengax ye kadu care iklan coca cola. TG sopoxno ngudutn rokok putex, coca cola inemn, mc donald daharan bilang jelo.

Tuax Nase sopox pokrol treng sax paling kebut te sewa jari juru kampanye.
"Semeton jari inax amax, nani wah waktun pade pilex TG jati datum pade. Ine kesempatan tite begentix datu adexn bau majuan gumi paer.

Wah satus taon pondok pesantren tite arax lagux ndexn wah arax baturte jari datu. Satus taon sine SEPARO TG lex gumi paer ye dengan IDIOT! Ye ampoxte pade ndex maju maju! Silax semeton te pade lecok No...... (tuax Nase sebut nomer calon).

Lemax lemaxn utusan olex TG segumi paer dateng jok pondok protes ongkat Tuax Nase no.
TG sax nyalon datu silin lex tuax Nase. " Bareh lex panggung tiang ralatn dait ngendeng maaf, pekare gampang mix bajang!" unin tuax Nase

Gaye macan podium, naen ngangkang, betunjuk tunjukn kampanye. Semeton jari, ngkah m pade lupax lecok nomerrrrrr.....
" Mne semeton jari, uwix ite kelepos muni, olex sino ite ralat ongkat sino: SEPARO TG lex gumi paer NDEXNE IDIOT!".
Selapux dengan bekopok, hidup TG... hidup TG unin dengan luwex.
TG jari kemos kedemenan gitax pendukungn sax ngibing dait berunjax unjax.

Glosarium
Nyemporon = terjun

2

Sopox jelo gubenur bangse Sasak, milun kumpul lex gedeng presiden. Panas gati jelo ino, timaxn wah te pasang kipas dait AC lagux terus baen amax gubernur no bebekan. Selun selun belondan lex julun dengan luwex.

Tuax Nase sax jari jubir bidang hukum dait ham, berapet dait muni: amax gubenur, kembexm belondan lex te, ilaxte gitaxm marax dengan …. (Tuax Nase tolox tunjukn lex jidat, tande dengan gendeng).
"Yaox" unin gubenur, "piranan, waktungke lex Den Haag, belondanke six bebekn, Ratu Beatrik bebase lex aku: " Amax gubenur, to lex balen presidenm taox belondan!".

Glossarium
gedeng = rumah
Belondan = telanjang, disini : buka baju
Bebek = kepanasan

Comments  

 

0 # lmjaelani 2010-03-08 14:00

Peace dech, nomor satu itu konyol abis

Reply | Reply with quote | Quote

 

 

0 # Ajenk 2010-03-08 19:51

Jari tetepn sak separo jak dengan idiot ndih miq junep..
Bangak endah tuan guru senukn...

Reply | Reply with quote | Quote

 

 

0 # H.MUSA SHOFIANDY 2010-03-10 01:14

Mangkin nike sulit te taox batur sax tetu2 jari TG, sengax tingkah polahne kadang marak dengan ndexne tau ngaji, ndekne taox hkm (islam) ngelining beng pengajian laguk harusne arak amplop berisi kepeng, arak TG sak ngurus proposal doang.Mangkin malik luwek TG pade begerubusan nyalon jari Bupati, Walikota.... ngkahne urus jamaah pengajian...... Berembe bae iyak kejarian ummat..... Masya Allah...

Reply | Reply with quote | Quote

 

Refresh comments list
RSS feed for comments to this post.

Add comment

Name (required)

E-mail (required)

Website

Notify me of follow-up comments

Refresh

Send

Cancel

JComments