1

Sekex bajang Sasak sax lulus sekolah pariwisate lex Cakre te terimaxn begawean lex restoran belex. Semanget gatin begawean jangke cemoh legern lex jelo pertame jari pelayan. Sopox kemalem arax temuwe terhormat jax bekelor lex restoran ino. Bajang Sasak no berembox dalem dalem sengax ye jax satux temuwe paling peren. Bos perengetin bajang Sasak aden sax bagus ntan nyervis, dait alus ntan bebase lex dengan.

Encongn lalo jaux sop panas jox meja temuwe. Pas ne bagiang sop ino tumpas sopox mangkok dait jenesang kelambin inax sax paling tehormatin. "mbe taox matem?" unin inax sino.
Bajang Sasak sampixn leger muni: "aro inax, dendex de khawatir, sop arax semangkok lalok! Masi luwex to lex pawon jax kebaitangde malik, nggih".

Glosarium
satux = melayani, memberi
jenes/ang = mengotori, membasahi

2

Lex sopox pengajian saxte araxang lex luwah dese Lenek. Bajang Sasak sax tadah bowos bentek 6 gelas, duwe penox six tuwak sax empat gelas kosong.
Beketuwan panitiye pengajian: Bajang makatm jaux gelas kosong?.
Bajang Sasak: Duwe gelas tuwak jari keliang dait ustad. Empat gelas jari tuan guru.
Bowos bowos taoxm TG ndexn kenjax nginem unin panitye senuxn

Glosarium
bowos = sakau, mabuk
tuwak = minuman keras dari nira

3

Lex terminal Kopang arax penjual timbung mejojox dagangan tipax penumpang sampixn sorak. " Timbung ...timbung 5 siyu.... 5 siyu!"
Selun selun dateng sekex malik terusn sorak: "timbung timbung 7 siyu...7 siyu!".

Penjual sax juluan muni : " Basong! Dung pelot ke jarin isixm! Ndexn mungkin dengan bejual timbung 7 siyu lasingan!".

Penjual sax mudian bejawab: " Yaox wah mauxke untung, kembexn!".

Penjual sax juluan: " Ndexn tame akal aneh. Aku doang, ampel mauxke maling, reket mauxke maling, gule mauxke maling, nyiur mauxke maling, mbe jari upaxke begewean endah!".

Penjual sax mudian : "Ye wah ruen tau blok lasingan, aku ine timbung palingke! No adexm ketaon!".

Glossaium
Timbung = ketan yg dibakar dalam bambu
pejojox = mengasungkan, mengajukan

4

Sopox toke sekarat isix sakitn, pembantun TKW Sasak, tesurux pelai jok balen dokter lex bucun dese. Bebutengn lex julun lawang dokter jangke duwe jam. Pas dokter sugul beketowan ye lex TKW no. "Kembexde ndex berontok keras keras ntan?". "Takut tiang, side nyengke mesare, ndex tiang bani gangu side dokter" unin.
"La wah telat te jax betulung. Waktunde sugul ye sakarat uninde, nani pasti wah maten dengan". Unin dokter.
"Ndex dokter, wah tiang surux bajang Sasak bejage lex to, ngkahn jangke mate unin tiang".