Bejorax Sasak 3

1

Datu lex pesawat garude
Sopox jelo arax bangsawan Sasak sax paran dirixn keturuna datu datu mbe jagah.
Kadu kelambi lengkap bedodot bewarne warni jax berangkat jok Jakarte ngurus warisan ape jagah.
Tame le bandara ye ndex sabar keto kete ne doang lampax, selapux dengan pedasangn.
Lamun arax dengan ngengat tadah suwe langsungn sili. Ape gitax gitax, unin.
Dengan sax begitax jari ilax dait terenyux, sengax ruwen marax cupak kebelexan tian aneh.
Tame lex pesawat garude ntan, makatn langsung tokol lex kursi kelas sekex.
Galuh kursin dait maix petokoln. Pramugari taget, sax wahn periksax tiket bebadaxn: ampure amax belex, nike lenggahan pelinggih lex mudi.
Amax no silin gati te badax, terus ye ngomeh, persis marax datu pagah krekek!
Pokokn, lex te taoxke. Ndexn arax dengan bani jax pindahke jangke ke dateng lex Jakarte! Sorakn jangke selapux dengan bengax.
Pramugari no jari ilaxn terus pelai lapur jok pilot. Pilot langsung surux kopilot betulung.
Amax ongkat kopilot no….lagux langsungn te sempatax.
Aku ne datu, ndarax dengan kanggo balaxke ape ape. Ite wah taoxke jangke ke sampex lex Jakarte!
Kopilot dait pramugari ndex mele pebelox masalah nyedin belapur tipax pilot.
Pilot no ye dengan wah suwe ndot lex gumi paer ye wah ngerti pekare tabiat datu datuan Sasak no.
Lalo pilot no jox bangsawan Sasak tokol, terusn bepesex. Berembe jage tadah, langsungn amax bangsawan no taget dait nyunjut jok mudi bentex sewoxn. Selamet aox unin tipax pilot.
Kopilot dait pramugari sax pucet no beketuwan lex pilot. Amax pilot ongkat pramugari no: napi basen pelungguhm ampoxn langsung nyunjut nyedi?
Pilot muni: Aku pesexn adeng adeng, amax… kursi niki ndex tipax Jakarte, nike lex mudi taoxn!
2
Rendem

Laex lex saman PKI arax batur Teros te tangkep pekare milu obax abix dengan. Terus te tamax lex sel polres Selong. Pulisi saman sino masih bewibawe dait ndexn arax bau te sogok. Wah setenge jelo baturno te sel meco dait memendok daong gawexn. Pas tengari dateng pulisi jaux pemberontak sekex. Te introgasi pemebrontak sino lagux ndexn mele ngakux akux jangke lelah pulisi beketowan.
Akhirn pulisi sino ngancem: Kamu bohong ya? Mau direndem kamu?
Pemberontak sino bejawabn: nggih ngih melen tiang rendem!
Terusn te jaux jox mudi. Liwatn lex julun batur Teros sino. Dengah dengan jax te beng rendem batur Teros no ngendeng milu. Amax komendan unin , tiang endah melen te rendem.
Pulisi sax nyengke gedek no langsung bukaxang lawang sel. Ya, sudah kalin berdua direndem!
Langsung te jaux tipax telage sax penox raok dait longe! To tauxn bekerem jangke kemalem!
Glosarium
di ; kamu dalm base Teros
rendem ; empit/intip, sisa nasi di panci yang disiram air agar lunak saat dibersihkan
3
Boyax pegawean
Wah setaon sopox bajang Sasak ndot le Jakarte boyax pegawean.
Wah sataon ndex arax terimaxn begawean.
Padahal ye dengan taat dait jujur lagux ndarax sekex sekex perusahaan saduxn begawean.
Sopox jelo bedait six Rustambing.
Meton ape gawexm?
Ndex arax, kan wah setaon aku momot.
Makat ndexm boyax pegawean mane mane jari satpam ntan, kan baum adokang awakm.
Ye kemelexke lagux ndarax terimaxke, aneh.
Lamun jujur dait pasu pasti luwex mele tamaxm begawean.
Ape sax kurang, aku ne jujur cobax gitax lamaranke selapux ke tolis terang bendrang.
Rustambing bace surat lamarn selapux bagus. Giliran riwayat idupn lax ilax rustambing bacen keras keras.
Pengalaman tulisn:
1. 2001-2003 Maling paox, manuk dait kenyamen waktu SMA tampe wah gagal
2. 2003-2006 Setamat SMA momot meco 2 tahun tahan hujan panas
3. 2006- 2007 Kawin siri 3 kali beseang selapuxn
4. 2008 TKI ilegal taek perau keselem 2 kali di Selat Lombok dait Selat Berhala
5. 2009 jari belian spesialis piyak banggrux anax dengan
Marax meno riwayat niki tiang tolis sejujur jujurn, jangke bani tiang besumpax senax.
Ttd
pepadu lebung