Budak Yang Mulia
April 30, 2012
Rapat Evaluasi Program Bangun Desa KS IPEBI
May 14, 2012

Jlo pe kuliq

Paoq odaq jauq lalo pano
araq tlu rujaq jlo minggu
silaq tpade bareng bdo’e
tipaq smeton si lalo meranto
salaq buluan lengan ampenan
sepulu ajine siyu tberega’an
onyaq entan leq dasan dengan
pacu pacu ndaq gamaq kmajelan
lalo mkuliq ndaq ngorayang
jage care jage entan
mno entan leq dasan dengan
aget lomboq gamaq klampan
inget base psen dengan toaq
sholat ngaji ndaq lupaq
bgawean aget saq onyaq onyaq
mauq rizqi ngirim ndaq lupaq
kance batur saling sapaq
saling tpet saling boyaq
aget ndaq tpade bsiaq
kance majikan ndaq ngelawan
araq masalah nyereq selesaiang
pasport ndaq pade bilin lentang
lalo joq kedutaan pade bketuan
pjtki smenoan endah
tki ndaq tkedah kedah
peta’ang pegawean si molah molah
aget bgawean tki betah
pjtki ndaq nungkulang
janjiq joq tki tetepatang
ndaq raos raos doang
pjtki nungkulang miaq tki bueq glamang
kiriman devisa bcat teitung
tki sengsare ndeq tetulung
daur mbeq wah ndeq tbendung
urat ime nae sampe bletong lentung
oo gamaq datu ndaq lupaq tki
jagaq gamaq kance lindungi
ndaq beang ye keare are leq luar negeri
aget saq aman boyaq rizqi

 
 
 
 
 
 
 
 

Oleh Gupran Muhsan

1 Comment

  1. Hazairin R. Junep says:

    O sanak si entix amanah
    Gitax semeton jari pade susah
    Tulung gamax mudaxang langan
    Agente mudax pade boyax mangan
    Lex gubuk gempeng begelanyat nganggur
    Peta rezeki sulit six luwex gati batur
    Lamun side mele aseh lex sanak jari
    Jelapan betulung selapux teperiri
    Pire pire batur ulex karing aran
    Berusahe adex nasib jari bagusan
    Ape tadah endex pade beduwe ilmu
    Jari keare are selapux langan buntu
    Awun begantung lex pucuk rinjani
    Lamun side kuase ngkah kelicung janji
    Inget selapux gen maux imbalan
    Sai lekak tekutuk pitux keturunan

Leave a Reply

Your email address will not be published. Required fields are marked *