Keindahan Tanjung Ringgit, Destinasi Wisata Alami
March 18, 2011
Kaule, Sikep dan Menak!
March 22, 2011

Sasak Lasingan!

 

Hazairin R. Junep

Yogyakarta (Sasak.Org) Arax sopox bajang beketuwan, ape kenan LASINGAN sino ah, ndex ku demen gati dengah dengan muni ngeno. Tau sax paran dirix budayawan macem macem unin bejawab padahal masalah sax meno meno wah arax tetulis lex KS dait www. Sasak.org laeeeex gati. Arax sax kena lasingan sino base Arab, base Inggres dait ape sax melene wah.

Lasingan tau Sasax sax paran dirixn budayawan, makatne demen lalox nyebox. Berembe ntan jax betulung adexn seke maju bangse Sasak lamun ite nyebox nyebox kanyan. Masalah sax arax lex dunye nyate akhirn bau te gitax lex duniye maye. Tau Sasak lex mbe mbe taoxne ye tetep polos. Pire dengan sax te paran tokoh sino senyatene dengan perot dait ndex jujur. Ye pade piyax akun face book seluwex luwexne adexn te paran beduwe pendukung. Jari ye sax piyax status, ye bejawab. Lamun kance sopox ye dukung barehan sekejet lain unine bekomentar. Sopox aran jaux sopox karakter olex sopox manusiye sax pade. Ape ndex periak lex manusiye sax paranoid dait schizoprenia marax meno. Sax lebih mesaxaken malik kanak bajang sax milu mace dait ngaji lex sesangkokne. Bingungn pade mace, dengan sax kenax te salahang lagux lamun pade ye timaxn bertentangan six akidah wajib te kenaxang wah. Begeroma ruwen pade tau Sasak kajuman, bepayas marax Cupak ngakux dirixn datu.

Lasingan Tau Sasak sax jari maling lex gumi paer sax wah pade sekolahno, pindah jox duniye maye. Lamun lex bale baturte maix angen paling sampi bembex baturn mesax. Maling sino ye kenal taox dait dengan sax arax lex ito. Hapaln langan dait taox nyebox. La nane jax penggitan maling sax seke ahli jari mafia wah. Lex gumi paer lamun arax proyek pembangunan butengang infrastruktur selapux pemborong begulah begaet boyax care adexn maux sax belex belex, lamun perlu nyogok 40% lex pejabat, nyogok wah. Lamun perlu kadu pelet ape seher baun doang masih.
Pemborong sino jari mafia sax bodowe jaringan guar galuh jangke libatang pejabat. Ye sax aran Cupak jari datu. Melene molah molah doang lagux hasilne selapux ye bait. Lox Cupak sax jari datu maling proyek, sixne piyax LSM terus beriux kance semeton jarin sax jari pejabat pegerix kepeng rakyat. Sax beduwe LSM malikne boyax baturne piyax kelompok kelompok lex desa desa. Nah ye ntan pade bagi kepeng jarahan sino. Endex arax irox asexn gitax masyarakat jelata sax nerake idupne. Lox Cupax seken mokoh awakne, ndex arax pegawean lagux istane ye piyax mewah. Suwe suwe ndex arax sumber kepingn, lemax laun selapux panakawan nyedi, lamun wah pangsiun semeton jarin sax pejabat baruxn pelot. Mbe lalox tipaxn pelai, menusiye perot, berot jaxn tulax jok masyarakat jari dedoro, sengax ye mesax anggep dengan lain budakn. O gamax periak papu bain sax jax maux kutukan harta haram jangke 7 turunan lox Cupak.

Lasingan tau Sasak lupax lex adat game. Sai piyax ite pade jangke lupax meno. Dengan towaxte mesax dait pemimpinte mesax. Sax aran adat game sino ye beduwe nilai nilai luhur sax betujuan mbutengeng manusiye sax luhur budi pekertine. Marax upame aix sax sugul lex pengembulan Rinjani ite piyax aix kemasan. Aix sax sehat dait nyereng sino seke suwe seke gemi dait ndexn maix. Kembexn aix kemasan sax te inem bilang jelo sax te salahang makat ndexn masalah pengembulan sax lex Rinjani te pelihara dait te jagax?. Arax dengan sax bekuase takut ilang dagangan ne, ye langsung sebox masalah sino. Terus ye adokang dengan sax nginem aix sino jangke pade begejuh bejaguran saling matex. Arax dengan sax bait untung oleh kekisruhan dait ketidaktahuan masyarakat. Ye ampoxne luwex pade pyax bisnis baru, adu domba, pecah belah ite pade. Mbe sax teparan nilai luhur wah ndexne jelas, pengembulan atawe sumur mbe olex ne maux nilai ndexn perlu te ketownanang sengax lamun arax dengan beketowan artin bisnis bau terganggu. Tedox tedox bau, ite palsuang selapuxn lagux bagusan ntante sebox rahasiye. Ye no sax arax lex ite pade bangse Sasak.

Lasingan taox de ke aran Lasingan?. Lasingan sino olex base Kawi/Sanskrit. Lasingandika artine “maix angen side kena menu!”. Tegesne, kemaix angenm! Atawe kemaix angen ne!. Lagux nane jax wah begentix artin jari macem macem. Bau te padayang isi ongkat kanak bajang; Emang gue pikirin!. Ah tega sekali kau!. Berisik tau! dst. Bilang jelo bilang detik ite pade belasingan lagux ndex te taox ape sax sebenarn melente uni. Lsingan, ke perot dait berot de jari tau Sasak. Aneh ke wah waktun nane ite pade beriuk jari dengan jujur, ikhlas, segrah jax te ngantih dirix gen mate barux te sadar.

Wallahualambissab

Marax meno dait ampure
Sax ikhlas

Hazairin R. JUNE

3 Comments

  1. Batur sasak sebenar nu pinter2,pinter pete kesempatan,laguk pinter lain iye pinter pete untung lek bungkak batur,dait endah sak terkenal jok luah lain taok sak solah lain turis ek mkdek, ndek?sak terkenal ape dait sak biasa teketuanan,,tetu lek lombok luek dngan selak,tetu lek lombok luek dngan seher,tetu lek lombok luek rampok,maling dait copet?,ite sak jari dngan lombok merase keberatan,terpakse bejawab,tetu laguk laek jaman sak masih papuk balok ndkman beagame iye masih bude,.muk tiang tau lombok kmlet gitak lombok aman,maju,makmur,marak isik mamiq junep,adek sak ngkah jual tenage jok negaran batur,apa lagi luek sak jual epen baleq,,laguk brembe ntan lek gumi paer mesax susah,luek proyek,perusahaan lek lombok uah tisi doang sik batur sak arak kepeng dait sak bdoe keluarge sak jari dngan atas dngan bleq.

  2. @HRJ mudah mudahan tulisan side jari pendodoq insan sasak leq gumi paer ite,syukur tyang tipaq Nenek saq kuase masi araq dengan prihatin leq ite pade sasak maraq side lengan tulisan” leq sasak.org maraq tyang idap pengoros oros tyang si mlet gati gitaq desan tyang si laeq laloq beku maraq batu ,kurang pendidikan,dait kurang gati SDM,hampir 70% tkujang kujing leq malaysie,5% joq saudi selebihne mkuliq leq tengaq bangket.
    BANU’AN@ Mudah mudahan ite pade dgn sasak bangkit petanjeq si kenaq Embot si salaq,
    ite pade bareng bareng pelomboq si bengkoq, bagusang si lomboq INSYAALLAH generasi sasak ndeq ne gen piaq gumi paer ora,,,sebagai dgn sasak coba tpikir bareng kumbeqne ampoqne pade memaleng..? Padahal kan wah ite pade taoq memaleng ino salaq,jari tugas ite sasak nengke/nane ngubah kebengkokan moral sasak ,piaq pegawean,araan sekolah gratis.endaq sekolah jari bisnis,kan mele ite gitak generasi sasak pinter laguq biaye sekolah bleq,jari memaleng batur jari,nganakang kepeng inak amak aget ne pade bau nyekolahan anakne ,,
    NENEK DOANG SI PALENG NAOQ KAN MNO MTON GIH.

  3. sandi says:

    tetu semeton, ye pade kajuman batur batur sasak ni,,, bedoe skdix, ndara penyapax, sumpax doang andena tao. ne pngalaman kuliah lek jogjja , mentang2 plat dr aa, nde na mele ngraos ngadu basa sasax..alur alur bae…

Leave a Reply

Your email address will not be published. Required fields are marked *