Senepa

Website Instan

ndarax jax mele talet bunge jari benang,
araxan te kalix karang mauxan keping
nane wahne sax bis jari lelongkang
bale sax butengang jax jari sesongkang

lamun wah sede gawah dit rau
pire taon liwat selapux begerau
mulai begerundaxan mekir bilang ne talo
ndarax jamax sax jari pikiranm bilang jelo

kokok wah laexne jari reban
bangket ndex penggitan sengax dengan pade bedasan
manuse begerubusan tampe pendidikan
meno ampox ne pade kanyan kasoan

sai ngajahang meton,
dengan bajang sax dex lulus ujian
ndex kanggo  meno  bagewean
ndotangne bae kan ye masih keturunan

mbe balen datu, meton
lex sedin rurung sax mentereng mesax
makat jebakne besimpet bae, meton
wah tadah laexne takut te boyax

sai lampax jok kyai sumur,
maux ne nginem jangke besur
lamun boyax kyai ceret,
ndarax jax puas sekedar mereret

Jogjakarta, 19.03.08  19.06 WIB

SimpleWordPress

LEAVE A REPLY

Please enter your comment!
Please enter your name here